Лондоннинг «Тоттенхэм» клуби футболчилари янги бош мураббий Роберто Де Дзербидан мамнун. Бу ҳақда журналист Мигель Делани хабар бермоқда.
Манбанинг маълумотига кўра, Де Дзерби машғулотлар жараёнини сезиларли даражада ўзгартирган ва бу футболчиларга манзур келмоқда. Мураббий иш жараёнига янги ғоялар ва кучли энергия олиб кирди. Қайд этилишича, жамоадаги муҳит ҳам анча яхшиланган. Футболчиларнинг фикрича, Де Дзерби қисқа вақт ичида уларга Томас Фрэнк, Анге Постекоглу ва Игор Тудорнинг уччови биргаликда берганидан кўпроқ нарса бера олган.
Де Дзерби 31 март куни Игор Тудорнинг ўрнини эгаллаб, «Тоттенхэм» бошқарувини қўлга олган эди. Италиялик мутахассис олдидаги асосий вазифа — жамоани Премьер-лигада олиб қолиш. Айни дамда «шпорлар» 31 та ўйиндан сўнг 18-ўринни эгаллаб, хавфли ҳудудда бормоқда.
