Madridning «Real» klubi yarim himoyachisi Eduardo Kamavinga La Liga doirasida «Jirona»ga qarshi kechgan bahsda (1:1) asosiy tarkibda maydonga tushdi.

Fransiyalik futbolchi 79-daqiqagacha o‘ynadi, biroq poytaxt grandining ochko yo‘qotishidan qutqarib qola olmadi.

«Men Kamavingani aynan shu pozisiyada ko‘rishni istagandim. U o‘zini himoyalanuvchi tayanch yarim himoyachisi rolida qulay his qilmoqda — ehtimol, aynan shu vazifalar unga eng ko‘p mos keladi», — deya «qaymoqranglilar» bosh murabbiyi Alvaro Arbeloaning so‘zlarini keltirmoqda Madrid Universal.

Eduardo Kamavinga, shuningdek, himoyaning chap qanotida, markaziy hujumkor zonada va hatto qanot hujumlarida ham harakat qiladi.

«Jirona» bilan uchrashuvda «Real»ning yagona golini Federiko Valverde o‘z nomiga yozdirib qo‘ydi.