«Nyukasl» vingeri Entoni Gordon «Bavariya»ning qiziqishlari doirasiga tushdi.

Avvalroq ingliz futbolchisi uchun asosiy da’vogarlar sifatida mahalliy «Liverpul» va «Arsenal» klublari aytilayotgan edi, biroq myunxenliklar «zag‘izg‘onlar» yulduzi uchun Premyer-liga vakillari bilan kurashishga tayyor. Bu haqda jurnalist Ekrem Konur xabar bermoqda. Futbolchining o‘zi Germaniyaga ko‘chib o‘tish g‘oyasiga ijobiy qaramoqda — uni Maykl Olisening misoli ilhomlantirmoqda.

«Nyukasl» Entoni Gordon uchun taxminan 98–111 million yevro miqdorida mablag‘ talab qilmoqda. Joriy mavsumda 25 yoshli futbolchi Eddi Xau jamoasi safida barcha musobaqalarda 45 ta o‘yinda maydonga tushib, 17 ta gol va 5 ta golli uzatmani o‘z hisobiga yozdirib qo‘ydi. Vingerning amaldagi shartnomasi 2030 yilgacha mo‘ljallangan.