«Ньюкасл» вингери Энтони Гордон «Бавария»нинг қизиқишлари доирасига тушди.
Аввалроқ инглиз футболчиси учун асосий даъвогарлар сифатида маҳаллий «Ливерпуль» ва «Арсенал» клублари айтилаётган эди, бироқ мюнхенликлар «зағизғонлар» юлдузи учун Премьер-лига вакиллари билан курашишга тайёр. Бу ҳақда журналист Экрем Конур хабар бермоқда. Футболчининг ўзи Германияга кўчиб ўтиш ғоясига ижобий қарамоқда — уни Майкл Олисенинг мисоли илҳомлантирмоқда.
«Ньюкасл» Энтони Гордон учун тахминан 98–111 миллион евро миқдорида маблағ талаб қилмоқда. Жорий мавсумда 25 ёшли футболчи Эдди Хау жамоаси сафида барча мусобақаларда 45 та ўйинда майдонга тушиб, 17 та гол ва 5 та голли узатмани ўз ҳисобига ёздириб қўйди. Вингернинг амалдаги шартномаси 2030 йилгача мўлжалланган.
