«Jirona» ustozi Michel UYEFA Chempionlar ligasi chorak finalidan o‘rin olgan Myunxenning «Bavariya» jamoasiga qarshi javob uchrashuvida Madridning «Real» klubiga omad tiladi.

«Real» bilan bahsda biz muhim ochkoni qo‘lga kiritdik. Madridliklarga «Bavariya» bilan bo‘ladigan javob o‘yinida muvaffaqiyat tilayman. Ispaniya futboli manfaati yo‘lida ularning g‘alabasini kutib qolaman», — deya mutaxassisning so‘zlarini keltirmoqda Marca gazetasi.

Eslatib o‘tamiz, kecha «Jirona» «Real» bilan durang (1:1) qayd etgan edi.

«Qaymoqranglilar»ning «Bavariya»ga qarshi javob uchrashuvi chorshanba kuni, 15 aprel sanasida Myunxendagi stadionda bo‘lib o‘tadi. O‘yinning boshlanish hushtagi Toshkent vaqti bilan soat 00:00 da (payshanbaga o‘tar kechasi) yangraydi.