"Milan" o‘z maydonida "Udineze"dan uchralgan yirik mag‘lubiyatdan so‘ng chempionlik (skudetto) uchun kurashda imkoniyatlarini sezilarli darajada pasaytirib yubordi.
Massimiliano Allegri shogirdlari bugun "San-Siro"da 0:3 hisobida tor-mor etildi. Jamoa so‘nggi to‘rtta o‘yinning uchtasida mag‘lub bo‘lib, faqat bir marta g‘alaba qozondi.
A Seriyaning 32-turidan so‘ng "rossonerilar" 63 ochko bilan uchinchi o‘rinni egallab turishibdi. Peshqadamlar — "Napoli" (65 ochko) va "Inter" (72 ochko) hali ushbu turdagi o‘z o‘yinlarini o‘tkazishgani yo‘q. Agar raqobatchilar g‘alaba qozonishsa, farq yanada ortishi mumkin.
