"Милан" ўз майдонида "Удинезе"дан учралган йирик мағлубиятдан сўнг чемпионлик (скудетто) учун курашда имкониятларини сезиларли даражада пасайтириб юборди.
Массимилиано Аллегри шогирдлари бугун "Сан-Сиро"да 0:3 ҳисобида тор-мор этилди. Жамоа сўнгги тўртта ўйиннинг учтасида мағлуб бўлиб, фақат бир марта ғалаба қозонди.
А Сериянинг 32-туридан сўнг "россонерилар" 63 очко билан учинчи ўринни эгаллаб туришибди. Пешқадамлар — "Наполи" (65 очко) ва "Интер" (72 очко) ҳали ушбу турдаги ўз ўйинларини ўтказишгани йўқ. Агар рақобатчилар ғалаба қозонишса, фарқ янада ортиши мумкин.
