Myunxenning «Bavariya» klubi Bundesliganing 29-turi doirasida safarda «Sankt-Pauli» jamoasini 5:0 hisobida tor-mor etdi.
Myunxenliklar safida gollarni Jamal Musiala (9-daqiqa), Leon Goreska (53-daqiqa), Maykl Olise (55-daqiqa), Nikolas Jekson (66-daqiqa) va Rafael Gerreyru (89-daqiqa) o‘z hisoblariga yozdirib qo‘yishdi.
Chempionat yakuni kutilishiga 5 tur qolganda, Vensan Kompani shogirdlari 76 ochko bilan turnir jadvalida yakka peshqadamlik qilmoqda va Dortmundning «Borussiya» klubini 12 ochkoga ortda qoldirmoqda. Agar keyingi turda «Bavariya» dortmundliklardan ko‘proq ochko jamg‘arsa, muddatidan avval chempionlikni rasmiylashtirishi mumkin.
«Sankt-Pauli» esa 25 ochko bilan jadvalning 15-pog‘onasini egallab turibdi.
Germaniya Bundesligasi. 29-tur
11.04.2026 | 21:30
«Millerntor», Gamburg
«SANKT-PAULI» — «BAVARIYA» — 0:5
Gollar: Jamal Musiala 9 (0:1), Leon Goreska 53 (0:2), Maykl Olise 54 (0:3), Nikolas Djekson 65 (0:4), Rafael Gerreyru 88 (0:5).
«Sankt-Pauli»: Vasil, Val, Mets, Ando, Fudzita (Metkalf, 66), Rasmussen, Riska (Oppi, 77), Pirka, Sinani, Pereyra Laj (Xara, 89), Untondji (Kars, 77).
«Bavariya»: Noyer, Kim Min Dje, Ito (Jonatan Ta, 67), Bishof, Laymer (Alfonso Deyvis, 59), Kimmix (Stanishich, 59), Goreska, Rafael Gerreyru, Musiala (Sapoko Ndiay, 84), Olise (Braim Dias, 59), Nikolas Djekson.
Ogohlantirishlar: Fudzita (53) — Laymer (19), Olise (53).
