Мюнхеннинг «Бавария» клуби Бундеслиганинг 29-тури доирасида сафарда «Санкт-Паули» жамоасини 5:0 ҳисобида тор-мор этди.

Мюнхенликлар сафида голларни Жамал Мусиала (9-дақиқа), Леон Горецка (53-дақиқа), Майкл Олисе (55-дақиқа), Николас Жексон (66-дақиқа) ва Рафаэл Геррейру (89-дақиқа) ўз ҳисобларига ёздириб қўйишди.

Чемпионат якуни кутилишига 5 тур қолганда, Венсан Компани шогирдлари 76 очко билан турнир жадвалида якка пешқадамлик қилмоқда ва Дортмунднинг «Боруссия» клубини 12 очкога ортда қолдирмоқда. Агар кейинги турда «Бавария» дортмундликлардан кўпроқ очко жамғарса, муддатидан аввал чемпионликни расмийлаштириши мумкин.

«Санкт-Паули» эса 25 очко билан жадвалнинг 15-поғонасини эгаллаб турибди.

Германия Бундеслигаси. 29-тур
11.04.2026 | 21:30
«Миллернтор», Гамбург

«САНКТ-ПАУЛИ» — «БАВАРИЯ» — 0:5
Голлар: Жамал Мусиала 9 (0:1), Леон Горецка 53 (0:2), Майкл Олисе 54 (0:3), Николас Джексон 65 (0:4), Рафаэл Геррейру 88 (0:5).

«Санкт-Паули»: Василь, Валь, Метс, Андо, Фудзита (Меткалф, 66), Расмуссен, Рицка (Оппи, 77), Пырка, Синани, Перейра Лаж (Хара, 89), Унтонджи (Карс, 77).

«Бавария»: Нойер, Ким Мин Джэ, Ито (Жонатан Та, 67), Бишоф, Лаймер (Альфонсо Дэйвис, 59), Киммих (Станишич, 59), Горецка, Рафаэл Геррейру, Мусиала (Сапоко Ндиай, 84), Олисе (Браим Диас, 59), Николас Джексон.

Огоҳлантиришлар: Фудзита (53) — Лаймер (19), Олисе (53).