Fransiyalik yarim himoyachi Adriyen Rabyo «Milan»ning «Udineze»ga qarshi o‘yindagi muvaffaqiyatsizligiga izoh berdi. Eslatib o‘tamiz, grand jamoa shunchaki mag‘lub bo‘lib qolmay, o‘z darvozasidan uchta to‘p olib chiqib, yirik hisobda imkoniyatni boy berdi.
«Menimcha, muammo biroz charchoq alomatlarida. Bu bahsda biz himoyada odatdagidek zich va mustahkam o‘ynay olmadik. Ikkita gol o‘tkazib yuborganimizdan keyin esa o‘yinimiz butunlay izdan chiqdi. Ikki to‘p farqi bilan ortda qolayotganda vaziyatni o‘nglashga harakat qilish kerak, lekin bugungidek tarzda emas», — deya fransuz futbolchisining so‘zlaridan iqtibos keltiradi pianetamilan.it.
Ushbu mag‘lubiyat natijasida «Milan», «Napoli»ning o‘yini qanday yakunlanishidan qat’i nazar, A Seriya turnir jadvalida aniq uchinchi o‘rinda qoladigan bo‘ldi.
