Франциялик ярим ҳимоячи Адриен Рабьо «Милан»нинг «Удинезе»га қарши ўйиндаги муваффақиятсизлигига изоҳ берди. Эслатиб ўтамиз, гранд жамоа шунчаки мағлуб бўлиб қолмай, ўз дарвозасидан учта тўп олиб чиқиб, йирик ҳисобда имкониятни бой берди.

«Менимча, муаммо бироз чарчоқ аломатларида. Бу баҳсда биз ҳимояда одатдагидек зич ва мустаҳкам ўйнай олмадик. Иккита гол ўтказиб юборганимиздан кейин эса ўйинимиз бутунлай издан чиқди. Икки тўп фарқи билан ортда қолаётганда вазиятни ўнглашга ҳаракат қилиш керак, лекин бугунгидек тарзда эмас», — дея француз футболчисининг сўзларидан иқтибос келтиради pianetamilan.it.

Ушбу мағлубият натижасида «Милан», «Наполи»нинг ўйини қандай якунланишидан қатъи назар, А Серия турнир жадвалида аниқ учинчи ўринда қоладиган бўлди.