«Milan» ustozi Massimiliano Allegri «Udineze»ga qarshi kechgan muvaffaqiyatsiz o‘yin yakunlanishi arafasida portugaliyalik hujumchi Rafael Leauni zaxiraga oldi. Leau maydonni muxlislarning hushtaklari ostida tark etdi. Mazkur vaziyatga «Milan» bosh murabbiyining o‘zi izoh berdi.
«Birinchi bo‘limda unda ikkita muhim vaziyat bo‘lgan edi. Ammo raqib chiziqlari zichlashganda, bo‘sh hudud topish yanada qiyinlashadi. Bu yerda gap faqat Leauning o‘zida emas. Biz himoyalanish bosqichlarida yanada sabrliroq bo‘lishimiz kerak», — deya Allegrining so‘zlaridan iqtibos keltiradi pianetamilan.it.
Italiya chempionatining navbatdagi turida «Milan» Veronada mahalliy klubga qarshi maydonga tushadi.
