«Милан» устози Массимилиано Аллегри «Удинезе»га қарши кечган муваффақиятсиз ўйин якунланиши арафасида португалиялик ҳужумчи Рафаэл Леауни захирага олди. Леау майдонни мухлисларнинг ҳуштаклари остида тарк этди. Мазкур вазиятга «Милан» бош мураббийининг ўзи изоҳ берди.
«Биринчи бўлимда унда иккита муҳим вазият бўлган эди. Аммо рақиб чизиқлари зичлашганда, бўш ҳудуд топиш янада қийинлашади. Бу ерда гап фақат Леаунинг ўзида эмас. Биз ҳимояланиш босқичларида янада сабрлироқ бўлишимиз керак», — дея Аллегрининг сўзларидан иқтибос келтиради pianetamilan.it.
Италия чемпионатининг навбатдаги турида «Милан» Веронада маҳаллий клубга қарши майдонга тушади.
