«Bavariya» hujumchisi Nikolas Jekson «Sankt-Pauli» ustidan qozonilgan yirik g‘alabada (5:0) o‘z hissasini qo‘shdi. Senegallik futbolchi Bundesliganing shanba kungi bahsida, 65-daqiqada raqib darvozasini ishg‘ol qildi. 24 yoshli futbolchi myunxenliklar safida 27 ta o‘yinda ishtirok etib, o‘z hisobiga 8 ta gol va 4 ta golli uzatmani yozdirib qo‘ydi. Shuni ta’kidlash joizki, forvard maydonda jami 971 daqiqa harakat qilgan. Bu esa joriy mavsumda u har 81 daqiqada bitta samarali harakatni amalga oshirayotganini anglatadi.
Nikolas Jekson «Bavariya»da «Chelsi»dan ijaraga olingan futbolchi sifatida to‘p surmoqda. Taxminlarga ko‘ra, Germaniya grandi futbolchini to‘liq sotib olish niyatida emas.
15 aprel kuni Vensan Kompani jamoasi Chempionlar ligasi 1/4 finali doirasida Madridning «Real» klubiga qarshi javob uchrashuvini o‘tkazadi.
