«Бавария» ҳужумчиси Николас Жексон «Санкт-Паули» устидан қозонилган йирик ғалабада (5:0) ўз ҳиссасини қўшди. Сенегаллик футболчи Бундеслиганинг шанба кунги баҳсида, 65-дақиқада рақиб дарвозасини ишғол қилди. 24 ёшли футболчи мюнхенликлар сафида 27 та ўйинда иштирок этиб, ўз ҳисобига 8 та гол ва 4 та голли узатмани ёздириб қўйди. Шуни таъкидлаш жоизки, форвард майдонда жами 971 дақиқа ҳаракат қилган. Бу эса жорий мавсумда у ҳар 81 дақиқада битта самарали ҳаракатни амалга ошираётганини англатади.

Николас Жексон «Бавария»да «Челси»дан ижарага олинган футболчи сифатида тўп сурмоқда. Тахминларга кўра, Германия гранди футболчини тўлиқ сотиб олиш ниятида эмас.

15 апрель куни Венсан Компани жамоаси Чемпионлар лигаси 1/4 финали доирасида Мадриднинг «Реал» клубига қарши жавоб учрашувини ўтказади.