Braziliya terma jamoasi bosh murabbiyi Karlo Anchelotti «Portu»ning 41 yoshli himoyachisi Tyago Silvani jahon chempionatiga chaqirishi mumkinligini aytdi.
«Men hech qachon pasportdagi tug‘ilgan sanaga qaramayman. Barcha o‘yinchilar jahon chempionati uchun tuziladigan ushbu ro‘yxatga kirishi mumkin. Uning yoshi 41 dami, buning ahamiyati yo‘q. Agar u munosib bo‘lsa, u yerda bo‘ladi. Yosh — muammo emas», — dedi Anchelotti matbuot anjumanida.
Tyago Silva 2026 yilda erkin agent sifatida «Fluminense»dan «Portu»ga o‘tgan edi. Uning shartnomasi 2026 yilning 30 iyuniga qadar mo‘ljallangan.
Joriy mavsumda himoyachi Portugaliya klubi safida barcha turnirlarda to‘qqizta o‘yin o‘tkazdi. Tyago Silva Braziliya terma jamoasi tarkibida jami 113 ta o‘yin o‘tkazib, 7 ta gol urishga muvaffaq bo‘lgan.
