«Shtutgart» yarim himoyachisi Andjelo Shtiller «Chelsi»ning qiziqishlar doirasiga tushdi. Bu haqda Bild nashri xabar bermoqda.

Manbaning ma’lumotlariga ko‘ra, London klubi 25 yoshli xavbek uchun ketayotgan poygaga qo‘shildi. Futbolchiga, shuningdek, «Real» va «Manchester Yunayted» klublari ham qiziqish bildirmoqda. Germaniya jamoasi o‘z o‘yinchisining sotuvidan 50 million yevrodan ko‘proq mablag‘ ishlab olmoqchi.

Ta’kidlanishicha, agar Shtiller APLga o‘tadigan bo‘lsa, uning maoshi ikki baravarga oshishi mumkin. «Chelsi»da germaniyalik futbolchi bir mavsum uchun 9 million yevrogacha maosh olishi kutilmoqda.