«Barselona» La Liganing 31-turida «Espanyol»ni 4:1 hisobida mag‘lub etdi. Bu bosh murabbiy Xans-Diter Flik qo‘l ostida o‘tkazilgan 109 ta o‘yindagi 37-yirik g‘alaba bo‘ldi.
Germaniyalik mutaxassis davrida «ko‘k-anorranglilar» «Atletik» (3:0, 4:0, 5:0), «Valensiya» (7:1, 5:0, 6:0), «Malyorka» (5:1, 3:0, 3:0) va «Sevilya»ni (5:1, 4:1, 5:2) uch martadan yirik hisobda mag‘lub etishdi. Shuningdek, «Barselona» «Real Madrid» (4:0, 5:2), «Jirona» (4:1, 4:1) va «Vilyarreal» (5:1, 4:1) ustidan ikki martadan yirik g‘alabaga erishdi.
Bundan tashqari, «Valyadolid» (7:0), «Yang Boyz» (5:0), «Alaves» (3:0), «Bavariya» (4:1), «Srvena Zvezda» (5:2), «Brest» (3:0), «Barbastro» (4:0), «Betis» (5:1), «Real Sosyedad» (4:0), «Borussiya» (4:0), «Olimpiakos» (6:1), «Ovyedo» (3:0), «Kopengagen» (4:1), «Levante» (3:0), «Xetafe» (3:0), «Osasuna» (3:0), «Atletiko» (3:0) va «Nyukasl» (7:2) jamoalari ham ayovsiz mag‘lub etildi.
Flik 2024 yildan beri «Barselona»ni boshqarib kelmoqda. O‘tgan mavsumda klub Ispaniya chempionati, mamlakat Kubogi va Superkubogida zafar quchdi.
