«Komo» yarim himoyachisi Maksimo Perrone shu yozda jamoani tark etishi mumkin.
Calciomercato nashrining ma’lumotlariga ko‘ra, argentinalik futbolchini sotib olishga «Yuventus» qiziqish bildirmoqda. Turin klubi yaqin vaqt ichida futbolchining transferi bo‘yicha muzokaralarga kirishishi mumkin. «Komo» o‘z xavbekini taxminan 30 million yevroga baholamoqda.
Maksimo Perrone 2025 yilda «Manchester Siti»dan 13 million yevro evaziga «Komo»ga o‘tgan edi. Uning shartnomasi 2029 yilning 30 iyuniga qadar mo‘ljallangan. Joriy mavsumda yarim himoyachi Italiya klubi safida barcha turnirlarda 33 ta o‘yinda maydonga tushib, 3 ta gol urdi va 4 ta golli uzatmani amalga oshirdi. Transfermarkt portali Perroning qiymatini 30 million yevroga baholamoqda.
