Super og‘ir vazn toifasida WBA Inter-Continental kamari sohibi, 36 yoshli rossiyalik professional bokschi Arslanbek Mahmudov sobiq jahon chempioni Tayson Fyuriga qarshi jangdagi mag‘lubiyati haqida ijtimoiy tarmoqdagi sahifasida fikr bildirdi.

«Bu ajoyib ov bo‘ldi. Sher har doim ovga chiqadi, lekin har doim ham o‘lja bilan qaytmaydi», — deb yozib qoldirdi Mahmudov o‘z sahifasida jang suratlarini ilova qilgan holda.

Eslatib o‘tamiz, Fyuri va Mahmudov o‘rtasidagi to‘qnashuv to‘liq 12 raund davom etdi va britaniyalik bokschining hakamlar tomonidan bir ovozdan berilgan qarori bilan yakunlandi: 120-108, 120-108, 119-109.