Londonning «Tottenxem» klubi Angliya chempionatining 32-turida yana muvaffaqiyatsizlikka uchradi va «Sanderlend»ga 0:1 hisobida imkoniyatni boy berdi.

Ma’lum bo‘lishicha, «Tottenxem» qatorasiga 14 ta o‘yindan beri g‘alaba nimaligini bilmay kelmoqda. Klub Angliya chempionatidagi so‘nggi g‘alabasini o‘tgan yili 28 dekabr kuni «Kristal Pelas»ga qarshi o‘yinda qo‘lga kiritgan edi.

London klubining ishlari bundan ham yomonroq holatga oxirgi marta qariyb bir asr oldin tushib qolgan. 1934 yilning dekabridan 1935 yilning apreliga qadar jamoa yuqori divizionda ketma-ket 16 ta o‘yinda g‘alaba qozona olmagan va bu yakunda klubning Angliya elitasini (yuqori divizionni) tark etishiga olib kelgan edi.