Лондоннинг «Тоттенхэм» клуби Англия чемпионатининг 32-турида яна муваффақиятсизликка учради ва «Сандерленд»га 0:1 ҳисобида имкониятни бой берди.

Маълум бўлишича, «Тоттенхэм» қаторасига 14 та ўйиндан бери ғалаба нималигини билмай келмоқда. Клуб Англия чемпионатидаги сўнгги ғалабасини ўтган йили 28 декабрь куни «Кристал Пэлас»га қарши ўйинда қўлга киритган эди.

Лондон клубининг ишлари бундан ҳам ёмонроқ ҳолатга охирги марта қарийб бир аср олдин тушиб қолган. 1934 йилнинг декабридан 1935 йилнинг апрелига қадар жамоа юқори дивизионда кетма-кет 16 та ўйинда ғалаба қозона олмаган ва бу якунда клубнинг Англия элитасини (юқори дивизионни) тарк этишига олиб келган эди.