Italiyaning «Milan» klubi «Udineze»ga qarshi o‘yinda o‘z darvozasidan uchta to‘p olib chiqib, qaqshatqich mag‘lubiyatga uchradi. Klubning sobiq himoyachisi Alessandro Kostakurta muvaffaqiyatsiz natija sabablari va o‘yin tafsilotlariga to‘xtalib o‘tdi.

«Juda ko‘p qarshi hujumlarni o‘tkazib yuborishdi. Bu o‘yin vaziyatlarini to‘g‘ri baholashda muammolar borligini anglatadi, chunki qarshi hujumlarni doim oldindan sezish mumkin. Qachonki jamoa jipslashgan va kompakt holatda o‘ynasa, unga qarshi hujumlar xavf tug‘dira olmaydi. Men «Milan»da buni ko‘rmadim. Ular hujum qilishga urinishdi, ammo bu harakatlar unchalik qiziqarli chiqmadi», — deya Kostakurtaning so‘zlarini keltirmoqda pianetamilan.it.

Navbatdagi turda «Milan» «Verona»ga qarshi maydonga tushadi. Hozirda klub A Seriya turnir jadvalida uchinchi o‘rinni egallab turibdi.