«Chelsi» bosh murabbiyi Liam Rosenyor jamoaning muvaffaqiyatsizliklari haqida gapirdi. Yakshanba kuni «ko‘klar» o‘z maydonida «Manchester Siti»dan navbatdagi mag‘lubiyatni (0:3) qabul qilib oldi. Natijada londonliklar Chempionlar ligasi hududidan yanada uzoqlashishdi.
«Meni tayinlashganida, ko‘p vaqt berishlarini so‘ramaganman, chunki klub qanday tuzilganini, uning an’analari va tarixini yaxshi tushunaman. Menga vaqt berilishini istardim va ishonchim komilki, ma’lum bir sabr bilan haqiqatan ham o‘ziga xos narsa yaratish mumkin. Pep Gvardiola va Yurgen Kloppga «Manchester Siti» va «Liverpul» bilan sovrin yuta olmagan paytlarida vaziyatni o‘nglash uchun bir yil vaqt berilgan. Men yanvar oyida keldim. Bu bahona emas, balki haqiqat. Men hozirning o‘zida g‘alaba qozonishim kerak — bor e’tiborimni shunga qaratganman», — deya jurnalist Bobbi Vinsent Rosenyorning so‘zlarini keltirmoqda.
Eslatib o‘tamiz, yil boshida angliyalik mutaxassis Enso Mareskaning o‘rnini egallab, 2032 yilgacha mo‘ljallangan shartnoma imzolagan edi.
