Mashhur insayder Fabrisio Romano Toni Kroosning Madridning «Real» klubiga qaytishi mumkinligi haqidagi xabarlarga munosabat bildirdi.
Bundan avval Ispaniya ommaviy axborot vositalari «qaymoqranglilar» prezidenti Florentino Peres sobiq yarim himoyachini klub tuzilmasidagi lavozimlardan biriga tayinlash niyatida ekani haqida xabar bergan edi. Romanoning ma’lumotlariga ko‘ra, «Real» haqiqatan ham germaniyalik sobiq futbolchini qaytarish ustida ish olib bormoqda. Kroos sport rahbariyatidagi lavozim uchun «ideal nomzod» deb hisoblanmoqda. Hozircha rasmiy muzokaralar olib borilmayapti, biroq klub ichidagi muhokamalar qizg‘in davom etmoqda.
Toni Kroos futbolchilik faoliyati davomida 2014 yildan 2024 yilgacha «Real» sharafini himoya qilgan va shundan so‘ng faoliyatini yakunlagan edi.













