Машҳур инсайдер Фабрицио Романо Тони Крооснинг Мадриднинг «Реал» клубига қайтиши мумкинлиги ҳақидаги хабарларга муносабат билдирди.

Бундан аввал Испания оммавий ахборот воситалари «қаймоқранглилар» президенти Флорентино Перес собиқ ярим ҳимоячини клуб тузилмасидаги лавозимлардан бирига тайинлаш ниятида экани ҳақида хабар берган эди. Романонинг маълумотларига кўра, «Реал» ҳақиқатан ҳам германиялик собиқ футболчини қайтариш устида иш олиб бормоқда. Кроос спорт раҳбариятидаги лавозим учун «идеал номзод» деб ҳисобланмоқда. Ҳозирча расмий музокаралар олиб борилмаяпти, бироқ клуб ичидаги муҳокамалар қизғин давом этмоқда.

Тони Кроос футболчилик фаолияти давомида 2014 йилдан 2024 йилгача «Реал» шарафини ҳимоя қилган ва шундан сўнг фаолиятини якунлаган эди.