«Manchester Yunayted»ning afsonaviy sobiq futbolchisi Gari Nevill Premyer-liga chempionlik poygasidagi vaziyat haqida o‘z fikrlari bilan o‘rtoqlashdi.
«Arsenal»ning «Bornmut»dan mag‘lub bo‘lishi (1:2) va «Manchester Siti»ning «Chelsi» ustidan qozongan g‘alabasidan (3:0) so‘ng sovrin uchun kurash yanada qizg‘in tus oldi. Endilikda «shaharliklar» «kanonirlar»dan olti ochko orqada qolmoqda, ammo ularda bitta zaxira o‘yini bor. 19 aprel kuni jamoalar «Etixad» stadionida o‘zaro to‘qnash kelishadi.
«Arsenal»da hali ham kelasi dam olish kunlarida chempionatda g‘olib chiqish imkoniyati bor. Hozir bu haqda ko‘p gapirishmayotgan bo‘lsa-da, faktligicha qolmoqda. Ha, «Arsenal» keyingi turdayoq o‘zi uchun oxirgi 22 yil ichidagi ilk chempionlikni naqd qilishi mumkin — jamoa ushbu o‘yinga aynan mana shunday kayfiyat bilan yondashishi kerak», — deb ta’kidladi Sky Sports eksperti Nevill.
Manchesterga safar qilishdan avval Mikel Arteta shogirdlari o‘z maydonlarida Chempionlar ligasi 1/4 finalining javob uchrashuvi doirasida «Sporting»ni qabul qilishadi.
