«Манчестер Юнайтед»нинг афсонавий собиқ футболчиси Гари Невилл Премьер-лига чемпионлик пойгасидаги вазият ҳақида ўз фикрлари билан ўртоқлашди.
«Арсенал»нинг «Борнмут»дан мағлуб бўлиши (1:2) ва «Манчестер Сити»нинг «Челси» устидан қозонган ғалабасидан (3:0) сўнг соврин учун кураш янада қизғин тус олди. Эндиликда «шаҳарликлар» «канонирлар»дан олти очко орқада қолмоқда, аммо уларда битта захира ўйини бор. 19 апрель куни жамоалар «Этихад» стадионида ўзаро тўқнаш келишади.
«Арсенал»да ҳали ҳам келаси дам олиш кунларида чемпионатда ғолиб чиқиш имконияти бор. Ҳозир бу ҳақда кўп гапиришмаётган бўлса-да, фактлигича қолмоқда. Ҳа, «Арсенал» кейинги турдаёқ ўзи учун охирги 22 йил ичидаги илк чемпионликни нақд қилиши мумкин — жамоа ушбу ўйинга айнан мана шундай кайфият билан ёндашиши керак», — деб таъкидлади Sky Sports эксперти Невилл.
Манчестерга сафар қилишдан аввал Микель Артета шогирдлари ўз майдонларида Чемпионлар лигаси 1/4 финалининг жавоб учрашуви доирасида «Спортинг»ни қабул қилишади.
