«Tottenxem»ning sobiq yarim himoyachisi Jeymi O′Xara APL doirasidagi «Sanderlend»ga (0:1) qarshi o‘yinda «shporlar» ko‘rsatgan o‘yinni keskin tanqid qildi.
Londonliklar yangi murabbiy Roberto De Zerbi qo‘l ostidagi ilk uchrashuvini o‘tkazishdi va 32-turdan so‘ng turnir jadvalida 18-o‘rinni egallab, xavfli hududda (premyer-ligani tark etish zonasida) turishibdi.
«Mutlaqo dahshat. «Shporlar» bu o‘yinda hech narsaga loyiq emasdilar. Bu joriy mavsumdagi «Tottenxem»ni to‘liq ifodalab beradi. Ular umuman hech narsa qilishmadi, hech narsa ko‘rsatishmadi.
Hamma pozisiyada o‘yin yo‘q. Gallaxer — dahshat. Kolo-Muani — dahshat. Solanke — dahshat. Risharlison — dahshat. Udoji — dahshat. Olti kishi bo‘lib ligada jon saqlab qolish uchun kurashib bo‘lmaydi! Kurashish va keraklicha o‘yin ko‘rsatish lozim.
Bu jamoaning naqadar yomonligiga ishona olmayapman. De Zerbi — yaxshi murabbiy, lekin u mo‘’jiza yarata olmaydi. Futbolchilar unga natija taqdim etishlari kerak», — dedi O′Xara.
