«Тоттенхэм»нинг собиқ ярим ҳимоячиси Жейми О′Хара АПЛ доирасидаги «Сандерленд»га (0:1) қарши ўйинда «шпорлар» кўрсатган ўйинни кескин танқид қилди.

Лондонликлар янги мураббий Роберто Де Зерби қўл остидаги илк учрашувини ўтказишди ва 32-турдан сўнг турнир жадвалида 18-ўринни эгаллаб, хавфли ҳудудда (премьер-лигани тарк этиш зонасида) туришибди.

«Мутлақо даҳшат. «Шпорлар» бу ўйинда ҳеч нарсага лойиқ эмасдилар. Бу жорий мавсумдаги «Тоттенхэм»ни тўлиқ ифодалаб беради. Улар умуман ҳеч нарса қилишмади, ҳеч нарса кўрсатишмади.

Ҳамма позицияда ўйин йўқ. Галлахер — даҳшат. Коло-Муани — даҳшат. Соланке — даҳшат. Ришарлисон — даҳшат. Удожи — даҳшат. Олти киши бўлиб лигада жон сақлаб қолиш учун курашиб бўлмайди! Курашиш ва кераклича ўйин кўрсатиш лозим.

Бу жамоанинг нақадар ёмонлигига ишона олмаяпман. Де Зерби — яхши мураббий, лекин у мўъжиза ярата олмайди. Футболчилар унга натижа тақдим этишлари керак», — деди О′Хара.