«Malyorka» hujumchisi Vedat Muriki La Liganing 31-turi doirasida «Rayo Valyekano»ga qarshi kechgan bahsda (3:0) dubl qayd etdi.

Kosovalik futbolchi Ispaniya chempionatining joriy mavsumida 30 ta o‘yinda 21 ta gol urishga muvaffaq bo‘ldi — bu XXI asrda «Malyorka» futbolchilari uchun bir mavsumdagi gollar soni bo‘yicha ikkinchi ko‘rsatkichdir. Rekord Daniel Guisaga tegishli bo‘lib, u 2007/08 yilgi mavsumda 27 ta to‘p kiritgan edi.

Muriki La Liga to‘purarlar poygasida Madridning «Real» klubi a’zosi Kilian Mbappedan ikkita golga ortda qolgan holda ikkinchi o‘rinda bormoqda.