«Мальорка» ҳужумчиси Ведат Мурики Ла Лиганинг 31-тури доирасида «Райо Вальекано»га қарши кечган баҳсда (3:0) дубль қайд этди.

Косовалик футболчи Испания чемпионатининг жорий мавсумида 30 та ўйинда 21 та гол уришга муваффақ бўлди — бу XXI асрда «Мальорка» футболчилари учун бир мавсумдаги голлар сони бўйича иккинчи кўрсаткичдир. Рекорд Даниэль Гуисага тегишли бўлиб, у 2007/08 йилги мавсумда 27 та тўп киритган эди.

Мурики Ла Лига тўпурарлар пойгасида Мадриднинг «Реал» клуби аъзоси Килиан Мбаппедан иккита голга ортда қолган ҳолда иккинчи ўринда бормоқда.