«Real»ning sobiq yarim himoyachisi Luish Figuning fikricha, Jud Bellingem har bir o‘yinda ishtirok etishi kerak.

Chorshanba kuni «Real» Chempionlar ligasi 1/4 finalining javob uchrashuvida «Bavariya» bilan to‘qnash keladi. Madridliklar yarim himoyachisi Orelyen Tchuameni birinchi o‘yinda (1:2) mavsumdagi uchinchi sariq kartochkasini olgani sababli ushbu bahsni o‘tkazib yuboradi.

«Bu jiddiy yo‘qotish. Tchuameni — jamoaning muhim o‘yinchisi, lekin menimcha, «Real»da uning o‘rnini bosa oladigan variantlar bor.

Bu Bellingem bo‘lishi mumkinmi? Ha, shunday deb o‘ylayman. «Bernabeu»dagi dastlabki bahsda u zaxiradan juda yaxshi tushdi va vaziyatni o‘zgartira oladigan hal qiluvchi omil bo‘lish uchun yetarlicha sifatlarga ega ekanligini ko‘rsatdi. Mening nazarimda, Bellingem doim o‘ynashi kerak, bu mantiqan to‘g‘ri», — dedi Figu.