Portugaliyalik futbolchi Rikardu Kuarejma o‘zining oyoq tashqi qismi (trivela) bilan yo‘llaydigan ajoyib zarbalari orqali nom qozongan edi. Biroq endilikda u bu ishni o‘zidan ham yaxshiroq uddalayotgan izdoshini ko‘rdi. Bu — Kataloniyaning «Barselona» klubi yosh superyulduzi bo‘lmish Lamin Yamal.
«Bu zarbani men mashhur qilgan edim, ammo Yamal uni yangi bosqichga olib chiqdi. Uning texnikasi aql bovar qilmas darajada, hech kim buni u kabi takrorlay olmaydi. Men ilgari bunaqasini ko‘rmaganman», — deya Kuarejmaning so‘zlarini keltiradi derbyderbyderby.it nashri.
Eslatib o‘tamiz, Kuarejma o‘z vaqtida «Barselona» tarkibida to‘p surgan, garchi bu uzoq davom etmagan bo‘lsa-da. Yamal esa «Barselona»da 2023 yilning aprel oyida debyut qilgan edi — tez orada ushbu voqeaga roppa-rosa uch yil to‘ladi.
