Angliyaning «Manchester Yunayted» klubi APL 32-turining so‘nggi o‘yinida mag‘lubiyatga uchradi. Bir kishi kam bo‘lib qolgan «iblislar» o‘z salohiyatlarini namoyish eta olishmadi va o‘tkazib yuborilgan ikkita goldan so‘ng vaziyatni o‘nglay olishmadi. O‘yin voqealari haqida «Manchester Yunayted» sardori Brunu Fernandesh o‘z fikrlarini bildirib o‘tdi.

«Hamma narsa birinchi bo‘limda boy berildi. Biz o‘yinga kirishib keta olmadik. Raqibga juda ko‘p bo‘sh joy qoldirdik. Ikkinchi bo‘limda vaziyatni o‘nglash uchun yetarlicha vaqt bor edi, ammo buni uddalay olmadik. Tanaffusda agressivroq harakat qilishga qaror qilgandik, biroq bu foyda bermadi», — deya portugaliyalik futbolchining so‘zlarini keltiradi BBC Sport.

Shunga qaramay, mag‘lubiyatga uchraganini inobatga olganda ham, «Manchester Yunayted» turnir jadvalida uchinchi o‘rinni saqlab qolmoqda.