Англиянинг «Манчестер Юнайтед» клуби АПЛ 32-турининг сўнгги ўйинида мағлубиятга учради. Бир киши кам бўлиб қолган «иблислар» ўз салоҳиятларини намойиш эта олишмади ва ўтказиб юборилган иккита голдан сўнг вазиятни ўнглай олишмади. Ўйин воқеалари ҳақида «Манчестер Юнайтед» сардори Бруну Фернандеш ўз фикрларини билдириб ўтди.
«Ҳамма нарса биринчи бўлимда бой берилди. Биз ўйинга киришиб кета олмадик. Рақибга жуда кўп бўш жой қолдирдик. Иккинчи бўлимда вазиятни ўнглаш учун етарлича вақт бор эди, аммо буни уддалай олмадик. Танаффусда агрессивроқ ҳаракат қилишга қарор қилгандик, бироқ бу фойда бермади», — дея португалиялик футболчининг сўзларини келтиради BBC Sport.
Шунга қарамай, мағлубиятга учраганини инобатга олганда ҳам, «Манчестер Юнайтед» турнир жадвалида учинчи ўринни сақлаб қолмоқда.
