«Liverpul» qanot himoyachisi Endryu Robertson «qizillar» rahbariyati unga hamkorlikni uzaytirish bo‘yicha taklif bilan chiqmaganini ma’lum qildi.
«Men yangi kelishuvni rad etganim yo‘q. Menga shartnomani uzaytirish taklif ham qilinmadi. Bizda shunchaki bu mavzuda suhbat bo‘ldi, xolos. O‘tgan mavsumdayoq jamoa bilan xayrlashishga yaqin edim, lekin qolishga qaror qilgandim. Yanvar oyida ham xuddi shunday vaziyat takrorlandi», — deya shotlandiyalik himoyachining so‘zlarini keltirmoqda Sky Sports.
Avvalroq, Endryu 2025/2026 yilgi mavsum yakunida mersisaydliklar safini tark etishi ma’lum bo‘lgan edi.
Robertson «Liverpul» sharafini 2017 yildan beri himoya qilib kelmoqda. U umumiy hisobda jamoa uchun 373 ta o‘yinda maydonga tushib, 13 ta gol urdi va 69 ta golli uzatmani amalga oshirdi.
