Norvegiyalik yarim himoyachi va «Arsenal» sardori Martin Edegor hamon bosh murabbiy Mikel Artetaning rejalariga kiradi. Bu haqda Daily Mail jurnalisti Isaan Xan insaydlari bilan bo‘lishdi.

Manbaning qayd etishicha, Edegorning parda ortidagi (maydondan tashqaridagi) roli Arteta tomonidan juda yuqori baholanadi. Joriy mavsumda maydonda kam ko‘rinish berayotganiga qaramay, Edegor jamoaviy tadbirlarni tashkil etishga, jumladan, qo‘shimcha jamoaviy yig‘ilishlarga katta vaqt ajratmoqda. Uning sardorlik roli esa tashqaridan ko‘ringanidan ko‘ra «ancha salmoqliroq» ekani ta’kidlangan.

Eslatib o‘tamiz, Edegor «Arsenal»dagi o‘zi uchun eng yomon mavsumni o‘tkazmoqda. Hozirga qadar u barcha turnirlarda 29 ta o‘yinda ishtirok etib, bor-yo‘g‘i bitta gol urdi va yettita golli uzatmani amalga oshirdi.