Норвегиялик ярим ҳимоячи ва «Арсенал» сардори Мартин Эдегор ҳамон бош мураббий Микель Артетанинг режаларига киради. Бу ҳақда Daily Mail журналисти Исаан Хан инсайдлари билан бўлишди.
Манбанинг қайд этишича, Эдегорнинг парда ортидаги (майдондан ташқаридаги) роли Артета томонидан жуда юқори баҳоланади. Жорий мавсумда майдонда кам кўриниш бераётганига қарамай, Эдегор жамоавий тадбирларни ташкил этишга, жумладан, қўшимча жамоавий йиғилишларга катта вақт ажратмоқда. Унинг сардорлик роли эса ташқаридан кўринганидан кўра «анча салмоқлироқ» экани таъкидланган.
Эслатиб ўтамиз, Эдегор «Арсенал»даги ўзи учун энг ёмон мавсумни ўтказмоқда. Ҳозирга қадар у барча турнирларда 29 та ўйинда иштирок этиб, бор-йўғи битта гол урди ва еттита голли узатмани амалга оширди.
