Germaniyalik darvozabon Manuel Noyerning faoliyatidagi keyingi klub Angliyaning «Brayton» jamoasi bo‘lishi mumkin. Bu haqda TEAMtalk nashri yozmoqda.
Insayderlarning qayd etishicha, Noyerning transferi — jamoa bosh murabbiyi Fabian Xyurselerning shaxsiy iltimosidir. Avvalroq, Myunxen klubi Noyerga o‘rinbosar sifatida «Brayton»da to‘p surayotgan 23 yoshli niderlandiyalik golkiper Bart Verbryuggen nomzodini ko‘rib chiqayotgani ma’lum bo‘lgan edi.
Noyer 2011 yildan beri «Bavariya» sharafini himoya qilib kelmoqda. Ushbu mavsumda darvozabon klub safida 32 ta o‘yinda maydonga tushdi va ularning 9 tasida o‘z darvozasi daxlsizligini saqlab qoldi.
