Германиялик дарвозабон Мануэль Нойернинг фаолиятидаги кейинги клуб Англиянинг «Брайтон» жамоаси бўлиши мумкин. Бу ҳақда TEAMtalk нашри ёзмоқда.
Инсайдерларнинг қайд этишича, Нойернинг трансфери — жамоа бош мураббийи Фабиан Хюрцелернинг шахсий илтимосидир. Аввалроқ, Мюнхен клуби Нойерга ўринбосар сифатида «Брайтон»да тўп сураётган 23 ёшли нидерландиялик голкипер Барт Вербрюгген номзодини кўриб чиқаётгани маълум бўлган эди.
Нойер 2011 йилдан бери «Бавария» шарафини ҳимоя қилиб келмоқда. Ушбу мавсумда дарвозабон клуб сафида 32 та ўйинда майдонга тушди ва уларнинг 9 тасида ўз дарвозаси дахлсизлигини сақлаб қолди.
