«Komo» bosh murabbiyi Sesk Fabregas Italiya klubidagi o‘z holati haqida gapirdi. Ispaniyalik mutaxassis jamoani boshqarayotganidan baxtiyor ekanligini va murabbiylik postini tark etish niyati yo‘qligini ta’kidladi.
«Boshqa Italiya jamoasini boshqarish? Buni juda mushkul deb bilaman. Ha, o‘tgan yili aloqalar bo‘lgan edi, lekin men qolishga qaror qildim, chunki bu loyihani yaxshi ko‘raman. Men jarayonga to‘liq kirishganman va „Komo“da amalga oshirayotgan ishlarimizdan mamnunman», — dedi ispaniyalik mutaxassis.
Eslatib o‘tamiz, 38 yoshli mutaxassis 2024 yilning yozida «Komo» jilovini o‘z qo‘liga olgan edi. Joriy mavsumda Fabregas jamoasi Italiya chempionatining 32 ta o‘yinida 58 ochko jamg‘arishga muvaffaq bo‘ldi va ayni damda turnir jadvalida yuqori beshinchi o‘rinni egallab turibdi.
