«Комо» бош мураббийи Сеск Фабрегас Италия клубидаги ўз ҳолати ҳақида гапирди. Испаниялик мутахассис жамоани бошқараётганидан бахтиёр эканлигини ва мураббийлик постини тарк этиш нияти йўқлигини таъкидлади.
«Бошқа Италия жамоасини бошқариш? Буни жуда мушкул деб биламан. Ҳа, ўтган йили алоқалар бўлган эди, лекин мен қолишга қарор қилдим, чунки бу лойиҳани яхши кўраман. Мен жараёнга тўлиқ киришганман ва „Комо“да амалга ошираётган ишларимиздан мамнунман», — деди испаниялик мутахассис.
Эслатиб ўтамиз, 38 ёшли мутахассис 2024 йилнинг ёзида «Комо» жиловини ўз қўлига олган эди. Жорий мавсумда Фабрегас жамоаси Италия чемпионатининг 32 та ўйинида 58 очко жамғаришга муваффақ бўлди ва айни дамда турнир жадвалида юқори бешинчи ўринни эгаллаб турибди.
