Italiyalik mashhur murabbiy Fabio Kapello «Milan»ning qanot hujumchisi Rafael Leauning joriy mavsumdagi ishtiroki haqida o‘z fikrlari bilan o‘rtoqlashdi.
«Uning markaziy hujumchi pozisiyasidagi o‘yini meni ishontirmayapti. Lekin gap faqat pozisiyada emas — nazarimda, unda avvalgidek ishtiyoq va energiya qolmagan. U o‘z imkoniyatlaridan to‘liq foydalanmay, kuchining yarmi bilan o‘ynayotgan «Milan»ning ramziga aylanib qoldi», — deya Kapelloning so‘zlarini keltirmoqda La Gazzetta dello Sport.
Portugaliya terma jamoasi vingeri joriy mavsumda barcha turnirlarda 26 ta o‘yinda maydonga tushib, 10 ta gol urdi va 2 ta golli uzatmani amalga oshirdi. Leauning «Milan» bilan amaldagi shartnomasi 2028 yilgacha mo‘ljallangan.
Eslatib o‘tamiz, Italiya A Seriyasining 32 turidan so‘ng «rossonerilar» 63 ochko bilan turnir jadvalida uchinchi o‘rinni egallab turibdi.
