Италиялик машҳур мураббий Фабио Капелло «Милан»нинг қанот ҳужумчиси Рафаэл Леаунинг жорий мавсумдаги иштироки ҳақида ўз фикрлари билан ўртоқлашди.

«Унинг марказий ҳужумчи позициясидаги ўйини мени ишонтирмаяпти. Лекин гап фақат позицияда эмас — назаримда, унда аввалгидек иштиёқ ва энергия қолмаган. У ўз имкониятларидан тўлиқ фойдаланмай, кучининг ярми билан ўйнаётган «Милан»нинг рамзига айланиб қолди», — дея Капеллонинг сўзларини келтирмоқда La Gazzetta dello Sport.

Португалия терма жамоаси вингери жорий мавсумда барча турнирларда 26 та ўйинда майдонга тушиб, 10 та гол урди ва 2 та голли узатмани амалга оширди. Леаунинг «Милан» билан амалдаги шартномаси 2028 йилгача мўлжалланган.

Эслатиб ўтамиз, Италия А Сериясининг 32 туридан сўнг «россонерилар» 63 очко билан турнир жадвалида учинчи ўринни эгаллаб турибди.