Ikkinchi Bundesliga turnir jadvali peshqadami «Shalke» niderlandiyalik hujumchi Vaut Vegxorstga katta qiziqish bildirmoqda. Bu haqda Voetbal International nashri xabar bermoqda.
33 yoshli futbolchining ayni damda «Ayaks» bilan amaldagi shartnomasi bor, biroq u mavsum yakunida jamoani erkin agent sifatida tark etishi mumkin. Shuningdek, Vegxorstni o‘z safiga qo‘shib olishga «Tvente» klubi ham da’vogarlik qilmoqda.
Vegxorst 2024 yildan buyon «Ayaks» tarkibida to‘p tepib kelmoqda. Ushbu mavsumda u 29 ta o‘yinda maydonga tushib, 8 ta gol urdi va 3 ta golli uzatmani amalga oshirdi.
Tajribali hujumchi faoliyati davomida «Manchester Yunayted», «Volfsburg» va «Beshiktosh» kabi nomdor klublarda o‘ynagan. Niderlandiya terma jamoasi safida esa Vegxorst 51 ta uchrashuvda 14 ta gol urishga muvaffaq bo‘lgan.
