Иккинчи Бундеслига турнир жадвали пешқадами «Шальке» нидерландиялик ҳужумчи Ваут Вегхорстга катта қизиқиш билдирмоқда. Бу ҳақда Voetbal International нашри хабар бермоқда.

33 ёшли футболчининг айни дамда «Аякс» билан амалдаги шартномаси бор, бироқ у мавсум якунида жамоани эркин агент сифатида тарк этиши мумкин. Шунингдек, Вегхорстни ўз сафига қўшиб олишга «Твенте» клуби ҳам даъвогарлик қилмоқда.

Вегхорст 2024 йилдан буён «Аякс» таркибида тўп тепиб келмоқда. Ушбу мавсумда у 29 та ўйинда майдонга тушиб, 8 та гол урди ва 3 та голли узатмани амалга оширди.

Тажрибали ҳужумчи фаолияти давомида «Манчестер Юнайтед», «Вольфсбург» ва «Бешиктош» каби номдор клубларда ўйнаган. Нидерландия терма жамоаси сафида эса Вегхорст 51 та учрашувда 14 та гол уришга муваффақ бўлган.