«Real» bosh murabbiyi Alvaro Arbeloa Chempionlar Ligasi 1/4 finali doirasida «Bavariya»ga qarshi kechadigan javob uchrashuvi oldidan matbuot anjumanida ishtirok etdi. Arbeloa o‘z maydonidagi 1:2 hisobidagi mag‘lubiyatdan so‘ng jamoasi kambek qila olishiga ishonishini ta’kidladi.
«Jamoada ishtiyoq juda baland, kayfiyat esa xuddi barcha madridliklardagi kabi jangovar. Biz qo‘yilgan vazifani bajara olishimizga ishonchimiz komil. Katta o‘yinga tayyormiz.
Kambekka ishonish uchun sabablar? Birinchidan, biz — «Real»miz. Agar ushbu stadionda hisobni o‘z foydasiga o‘zgartira oladigan jamoa bo‘lsa, bu — bizmiz. Biz hech qachon taslim bo‘lmaymiz, biz 15 karra Yevropa chempionlari kubogi sohibimiz. Biz — «Real»miz. Biz uyga yo qalqonimiz bilan, yo uning ustida (g‘olib yoki mag‘rur mag‘lub sifatida) qaytamiz», — dedi Arbeloa.
