«Реал» бош мураббийи Альваро Арбелоа Чемпионлар Лигаси 1/4 финали доирасида «Бавария»га қарши кечадиган жавоб учрашуви олдидан матбуот анжуманида иштирок этди. Арбелоа ўз майдонидаги 1:2 ҳисобидаги мағлубиятдан сўнг жамоаси камбэк қила олишига ишонишини таъкидлади.
«Жамоада иштиёқ жуда баланд, кайфият эса худди барча мадридликлардаги каби жанговар. Биз қўйилган вазифани бажара олишимизга ишончимиз комил. Катта ўйинга тайёрмиз.
Камбэкка ишониш учун сабаблар? Биринчидан, биз — «Реал»миз. Агар ушбу стадионда ҳисобни ўз фойдасига ўзгартира оладиган жамоа бўлса, бу — бизмиз. Биз ҳеч қачон таслим бўлмаймиз, биз 15 карра Европа чемпионлари кубоги соҳибимиз. Биз — «Реал»миз. Биз уйга ё қалқонимиз билан, ё унинг устида (ғолиб ёки мағрур мағлуб сифатида) қайтамиз», — деди Арбелоа.
