«Liverpul» himoyachisi Ibraima Konate Chempionlar ligasi chorak finalida «PSJ»ga qarshi kechgan omadsiz o‘yinga falsafiy nazar bilan qaramoqda. Uning fikricha, «Liverpul» futbolchilari o‘zlariga va o‘z kuchlariga ko‘proq ishonishlari kerak.
«Bugun biz ko‘plab vaziyatlar yaratdik va menimcha, maydondagi yaxshiroq jamoa edik. Raqib esa ikkita imkoniyatga ega bo‘ldi va ikki bor gol urdi. Nazarimda, bizga omad yetishmadi. Biz o‘zimizga ko‘proq ishonishimiz kerak. Agar hakam penaltini bekor qilmaganida va biz undan gol urganimizda, o‘yin butunlay boshqacha tus olgan bo‘lardi», — deya Konatening so‘zlaridan iqtibos keltiradi BBC Sport.
